Диққат! Нархи қиммат бўлган «Артериале» дорисининг одамларга бепул тарқатилиши ёлғон!

Ижтимоий тармоқлар ва Telegram каналларида асли мавжуд бўлмаган «бош фармацевт ўринбосари» «Кристина Сомова» деган шахс номидан ҳукумат нархи қиммат бўлган «Артериале» препаратини одамларга бепул тарқатмоқчи экани тўғрисида сохта хабарлар тарқатилмоқда. Аслида бунинг ортида фирибгарлик мақсади яширинган бўлиб, илгари айнан шундай мазмун ва шаклдаги хабарлар Қозоғистон, Украина давлатлари мисолида тарқатилган.

Фуқаролардан ва ижтимоий тармоқ, Telegram фойдаланувчиларидан интернет орқали номаълум бўлган дори воситаларини сотиб олмасликни сўраб қоламиз. Бу соғлиғингиз учун хавфли бўлиши мумкин.

Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд.