Чемпионлар лигасининг кейинги мавсумида Германиядан 5 жамоа иштирок этади

Бундеслиганинг 5 жамоаси Чемпионлар лигасининг кейинги мавсумида иштирок этиш ҳуқуқини қўлга киритди.

Хабарингиз бор, мавсум-2025/2025дан бошлаб мусобақа янги форматда ўтказилади ва гуруҳ босқичида 36 клуб қатнашади. Гуруҳ босқичига бериладиган қўшимча 4 та квотадан 2таси жорий мавсумда УЕФА коэффициентлар жадвалида юқори 2 поғонани эгаллаган мамлакатга берилади.

Ушбу икки ўриндан бирини аввалроқ Италия қўлга киритган бўлса, иккинчи йўлланмани Германия қўлга киритди. Бундан ташқари, агар «Боруссия Дортмунд» Чемпионлар лигасида ғолиб чиқадиган бўлса, Германиядан нақ 6 жамоа иштирок этади.

Айни пайтда «Байер», «Бавария», «Штутгарт», «Лейпциг» ва «Дортмунд» клублари йўлланма масаласини ҳал қилиб бўлишган.