Буюк Британия Россияга қарши санкциялар рўйхатини янгилади

Буюк Британия Зеленскийнинг Лондонга ташрифи куни Россияга қарши санкциялар рўйхатини янгилади.

Санкциялар «Россиянинг Украинани бомбардимон қилишига жавобан, шу жумладан, Путинга шахсий бойликларини қуришда ёрдам берганлар ва Кремлнинг уруш машинасидан фойда кўрувчи компанияларга қарши», деди Даунинг-стрит.

Шундай қилиб, Россияга ҳарбий техника ва дронларни етказиб берувчи олтита компания, жумладан, Ростехкомплект, Оборонлогистиcс ва россиялик дронларни ишлаб чиқарувчи ZALA Aero ҳам санкциялар остида қолди.

Шунингдек, рўйхат Путиннинг шахсий кучи ва бойлиги билан боғлиқ бўлган саккиз нафар россиялик – бизнес-омбудсман Борис Титов, нефть менежери Николай Егоров, Регнум тарғибот воситалари эгаси Сергей Руднов, Светлана Кривоногих ва бошқа бир қанча тадбиркорлар билан тўлдирилди.

Кривоногих Владимир Путиннинг «Россия банки» улушига эга бўлган эски таниши. Россия мустақил матбуоти уни Путиннинг ноқонуний қизининг онаси деб атайди.