Британиядаги ноқонуний мигрантларни Руандага депортация қилиш тақиқланди
Буюк Британиянинг янги бош вазири Кир Стармер ўзининг илк расмий қарорларидан бирида ноқонуний муҳожирларни Руандага депортация қилиш дастуридан воз кечди. Бу ҳақда Bild хабар берди.
Руанда дастури бошланишидан олдин ўлган ва кўмилган эди. Мен ишламайдиган ҳийла-найранглардан фойдаланишни давом эттиришга тайёр эмасман, деди Стармер.
Британиядан Руандага ноқонуний муҳожирларни депортация қилиш ҳақидаги қонун лойиҳаси аввалги бош вазир Риши Сунакнинг асосий лойиҳаси эди. У Британияга ноқонуний кирган бошпана изловчиларни Руандага юборишни қилишни таклиф қилган.
Бу таклиф инсон ҳуқуқлари фаолларининг кескин баҳс-мунозаралари ва эътирозларига сабаб бўлган. Аммо Сунак барибир Руанда сценарийсини амалга оширишга ҳаракат қилган. Лойиҳа аллақачон Британияга юз миллионлаб фунт стерлингга тушган.
Ҳар йили ўн минглаб одамлар асосан кичик қайиқларда Ла-Манш орқали Британия қирғоқларига ноқонуний келади. Британия ҳукумати ноқонуний муҳожирларни меҳмонхоналар ва бошқа турар жойларга жойлаштириш учун ҳар йили миллиардлаб фунт стерлинг сарфлашга мажбур.
