Британия ва Бразилия коронавирусга қарши вакцина ишлаб чиқаришда ҳамкорлик қилади

Бразилия Оксфорд университети ва «AstraZenecaPls» фармацевтика компанияси томонидан ишлаб чиқилган коронавирус инфекциясига қарши вакцина ишлаб чиқариш бўйича Буюк Британия билан шартнома тузди.

Бу ҳақда “Bloomberg” хабар бермоқда.

Бразилия Лондондан нафақат вакцинани, балки 287 миллион долларлик ишлаб чиқариш учун хомашёларни ҳам сотиб олади. Биринчи партия клиник синовлар натижаларидан қатъий назар 127 миллион долларга тушади. Булар декабрь-январь ойларида етказиб бериладиган 30,4 миллион дозадир.

Вакцинанинг самарали эканлиги исботланганидан кейин яна 70 миллион доза аҳолига “Fundacao Oswaldo Cruz” Бразилия тадқиқот институти томонидан етказиб берилади.