Беларусда “Ўзбек киноси кунлари” ўтказилди

Беларусь Республикасининг Минск шаҳрида 10-12 сентябрь санасида илк бор “Ўзбек киноси кунлари” ўтказилди.

10 сентябрь куни Кинематография агентлиги буюртмасига биноан "Ezgu film" киностудияси томонидан суратга олинган кинорежиссёр Жаҳонгир Аҳмедовнинг “Илҳақ” тарихий бадиий фильми, 11 сентябрь куни “Исломхўжа” тарихий бадиий фильми намойиш этилди.

12 сентябрда эса Ўзбекистон халқ артисти, режиссёр Шуҳрат Аббасовнинг “Сен етим эмассан” бадиий фильми намойиш этилди. Қўшни давлат кино мухлислари томонидан ўзбек фильмлари илиқ кутиб олинди.