Бектемир туманида тадбиркорнинг мулкини талон-торож қилган шахслар аниқланди

Бош прокуратура ҳузуридаги Департаментнинг Бектемир туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “B.G.” МЧЖнинг моддий жавобгар шахслари ва бошқалар расмий ҳужжатларни қалбакилаштириб, МЧЖ томонидан ишлаб чиқарилган 790 млн сўмлик 510 дона эшик-ром ва унинг жиҳозларини сотиб юбориб, тадбиркорнинг жуда кўп миқдордаги мулкини ўзлаштириш йўли билан талон-торож қилганликлари аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.