Арманистон КХШТдаги иштирокини музлатиб қўйганини расман эълон қилди

Арманистон бу ташкилот мавжудлигини, фаолият юритишини ёки минтақамизни тарк этишини тушунмагунча, КХШТдаги иштирокини музлатиб қўйди.

Бу ҳақда Арманистон парламенти спикери Ален Симонян Арманистон жамоат телевидениеси эфирида маълум қилди.

Симонян, шунингдек, Арманистон бош вазири Никол Пашинян, Еврокомиссия раҳбари Урсула фон дер Ляйен ва АҚШ Давлат котиби Энтони Блинкен ўртасида 5 апрель куни бўлиб ўтадиган учрашув Россияга қарши қаратилган эмаслигини ҳам айтди.

"Арманистоннинг ҳаракатлари Арманистон суверенитетини ҳимоя қилишга қаратилган", - дея таъкидлади у.

Аввалроқ КХШТ бош котиби Имангали Тасмагамбетов Арманистон сўнгги пайтларда КХШТ котибияти ишида иштирок этмаганини, бироқ котибият Еревандан аъзоликни тўхтатиб қўйгани ҳақида ҳеч қандай расмий баёнот олмаганини маълум қилганди.