АҚШда терисиз чақалоқ туғилди
2019 йил бошида Техаснинг Сан-Антонио шаҳрида ноёб аномалиядан азоб чекаётган Жабари Грай исмли чақалоқ туғилди - унинг вужудида деярли териси йўқ эди. Боланинг териси фақат бошида, қисман оёқларда мавжуд эди, холос. Тананинг бошқа барча қисмлари гўшт бўлакларига ўхшайди. Ҳатто шифокорлар ҳам тирик қолиши мумкинлигига ҳайрон қолишганди ўшанда.
Чақалоқ туғилгандан кейин дарҳол ташхис қўйилган - тери аплазияси. Жабари ҳаётни сунъий ушлаб турувчи қурилмага жойлаштирилган. Мутахассислар эса бундан ортқ ҳеч нарса қила олмасликларини айтишган. Аммо гўдакнинг ота-онаси фарзандини бошқа касалхонага ўтказишга муваффақ бўлган. Яқинда шифокорлар болага ўзи нафас олишига ёрдам берадиган жарроҳлик амалиётини режалаштиришмоқда. Кейин эса мураккаб тери трансплантатсияси учун узоқ муддатли тайёргарлик бошланади. Бундан ташқари, бошқа оператсия ҳам режалаштирилган, бу бармоқлар бўйнидан ажратишга ёрдам беради.
Шуни айтиб ўтиш керакки, бошқа клиникаларнинг мутахассислари болада ҳеч қандай аплазия йўқлигини, бу хасталик Капалак синдроми ёки Буллоз Эпидермолизи эканлигига ишонишмоқда. Бу касаллик ўта ноёб бўлиб, патологиянинг ташувчиси ким эканлигини аниқлаш учун бир қатор генетик тадқиқотлар режалаштирилган.
