АҚШ президентлигига номзод Трамп фойдасига ўз номзодидан воз кечди

АҚШ президентлигига мустақил номзод кичик Роберт Кеннеди Аризонадаги чиқиши чоғида ўз номини штатларда сайлов бюллетенидан олиб ташлашини, лекин пойгада қолишини айтди. Бу ҳақда РИА Новости хабар қилмоқда.

Унинг тушунтиришича, агар у спойлер (ғалаба қозониш имконияти йўқ, лекин овозларнинг бир қисмини тортиб оладиган номзод) бўлиб қолса, аввалроқ ўз номзодини қайтариб олишга ваъда берган эди. Унинг қўшимча қилишича, у ҳозирги тизимда ғалаба қозонишига ишонмайди.

Шунингдек, у Демократик партиянинг ғалаба қозониш имкониятларини оширишни истамаслигини, унинг фикрича, партия журналистлар ва ижтимоий тармоқларни сензура қилаётганини ҳамда унга ва республикачи номзод Дональд Трампга қарши чоралар кўраётганини таъкидлади.

Номзоднинг айтишича, у адолатли тизимда, очиқ мунозаралар ва мустақил оммавий ахборот воситалари билан ғалаба қозониши мумкин.

Бундан ташқари, кичик Кеннеди Трампни Украина инқирози бўйича Россия етакчиси Владимир Путин билан музокаралар олиб боришга тайёрлиги туфайли қўллаб-қувватлашга қарор қилганини тушунтирди.
Бунгача Дональд Трамп агар у пойгадан чиқишга ва уни қўллаб-қувватлашга қарор қилса, унинг маъмуриятига кичик Роберт Кеннеди номзодини кўриб чиқишга тайёрлигини билдирган эди.