АҚШ: Жаҳон чемпионати террорчилар учун яхши нишонга айланиши мумкин

АҚШ Давлат департаменти Россиядаги ЖЧ-2018га ташриф буюришни режалаштираётган америкаликларга мурожаат билан чиқди.

«Жаҳон чемпионати каби кенг кўламли халқаро ҳодисалар террорчилар учун жуда «жозибадор» нишон саналади. Жаҳон чемпионатида хавфсизлик чоралари кучайтирилишига қарамай, террорчилар стадионлар, фан-ҳудудлар, диққатга сазовор жойлар, вокзаллар ва бошқа жамоат жойларига ҳужум уюштириши мумкин», - дейилади идора мурожаатида.

Шунингдек, Америка ҳукуматининг таъкидлашича, Россияда ишқибозлар шилқимликларга учраши ва ҳуқуқни муҳофаза қилувчи органлар ҳамда бошқа мансабдор шахслар томонидан камситилиши мумкин.

Америкаликлар хорижликлар орасида жаҳон биринчилиги учрашувларига чипталар харид қилиш бўйича етакчи саналади.

Manba: kun.uz