Англиянинг Саутпорт шаҳрида пичоқли ҳужум оқибатида икки бола ҳалок бўлди
Мерсисайд полицияси бошлиғи Серена Кеннеди Англиянинг Саутпорт шаҳарчасида пичоқли ҳужум оқибатида икки бола ҳалок бўлган, яна 11 нафар, жумладан, тўққиз бола жароҳатланганини айтди.
Кеннеди Шимолий Ғарбий тез ёрдам хизмати ходими Дейв Китчин ва Мерсисайд ёнғин ва қутқарув хизмати бошлиғи Фил Гарриган билан қўшма матбуот анжумани ўтказди.
Унинг сўзларига кўра, полиция рақс мактабида пичоқлангани ҳақида маҳаллий вақт билан соат 11:47 да хабар олган. Кеннеди икки бола ҳалок бўлганини ва 6 нафари оғир 9 бола яраланганини эълон қилди.
Кеннеди, шунингдек, икки катталар ҳам оғир яраланганини ва бу одамлар болаларни ҳимоя қилмоқчи бўлган пайтда отиб ташланганини айтди.
17 ёшли қотилликда гумонланувчининг ҳибсда эканлиги ва унинг сўроқлари давом этаётганига эътибор қаратган Кеннеди, гумонланувчининг Ланкашир минтақасидаги Банкс шаҳарчасидан эканлиги, лекин у асли Уэлс пойтахти Кардиффдан экани ҳақидаги маълумот билан ўртоқлашди.
Полициянинг қўшимча қилишича, ҳужум қурбонлари Харт-стритдаги рақс мактабида америкалик қўшиқчи Тейлор Свифтнинг концептуал тадбирига ташриф буюрган болалардир. Унинг таъкидлашича, воқеа террорчилик ҳаракати сифатида баҳоланмайди.
