Ана холос! Олимпия чемпионини туғилган кунида тўнаб кетишди
Энг таниқли украиналик спортчилардан бири, тўрт карра Олимпия чемпиони Яна Клочковани туғилган кунида тўнаб кетишди.
Бу ҳақда спортчининг дўсти Тимофей Нагорний ўзининг Фейсбукдаги саҳифасида маълум қилди.
Таъкидланишича, 7-август куни 38 ёшни қаршилаган Клочкова жуда ёқимсиз совғани “қабул қилиб олган”.
"Шок! Дўстлар, афсуски, мен ёқимсиз янгилик билан бўлишмоқчиман. Украина қаҳрамони, тўрт карра Олимпия чемпиони, жаҳон рекордчиси Яна Клочкова ўз туғилган кунида тўнаб кетилди. Ҳуқуқ-тартибот идоралари ўғриларни топишига, яхши одамларнинг Янага ёрдам беришига умид қиламан", - деб ёзган Нагорний ижтимоий тармоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
