4 давлат ҳаво кучлари ягона мудофаа тизимини яратишга келишиб олди
Швеция, Норвегия, Финляндия ва Дания ҳаво кучлари ягона шимолий ҳаво ҳужумидан мудофаа тизимини яратишга келишиб олди.
Бу ҳақда The Guardian хабар бермоқда.
Тўртта давлат қуролли кучларининг баёнотларига кўра, тўртта Скандинавия давлати ҳаво кучлари қўмондонлари НАТО доирасида аллақачон маълум бўлган ҳаракат усулларига асосланиб, ўз қирувчиларини ягона флот сифатида ишлатиш ниятлари тўғрисидаги декларацияни имзоладилар.
Дания Ҳарбий-ҳаво кучлари шундай деди: "Якуний мақсад НАТОнинг аллақачон маълум бўлган методологияси асосида Скандинавия қўшма ҳаво операциялари концепциясини ишлаб чиқиш орқали бир куч сифатида биргаликда муаммосиз ҳаракат қилишдир"
Ҳамкорлик интеграциялашган қўмондонлик ва назоратни, оператив режалаштириш ва бажаришни, кучларни мослашувчан жойлаштиришни, ҳаво бўшлиғини биргаликда кузатиш ва ўқитишни қамраб олади.
