30га яқин муҳожирни олиб кетаётган микроавтобус фалокатга учради. Камида 10 киши ўлган

30 га яқин муҳожирни олиб кетаётган микроавтобус Техаснинг жанубидаги олис магистралда устунга урилди, деб хабар бермоқда Associated Press.

Фожиали ҳодиса 4 август куни соат 16:00 атрофида Энцино шоссесида содир бўлган. Дастлабки маълумотларга кўра, йўловчилар сони 15 нафардан ошмаслиги керак бўлган автомобиль 30 га яқин меҳнат муҳожирини чегарага яқинроқ олиб келган, йўловчилар пиёда ўтишга мажбур бўлган. Бироқ, ҳайдовчи одамларни олиб кетмаган.

Чегара патрул-постидан тахминан уч километр нарида, ҳаддан ташқари ортиқча юк бўлган машина бошқарувни йўқотиб, устунга бориб урилган. Ҳодиса оқибатида ҳайдовчи билан бирга камида 10 киши ҳалок бўлган. Яна 20 га яқин одам жароҳат олди ва уларни вертолётлар билан тиббий муассасаларга олиб кетишди.