2020 йилнинг энг сахий давлатлари аниқланди
Ўтган бир йилда Ирландия аҳоли жон бошига тушган хайрия миқдори бўйича энг сахий мамлакатга айланди. Рейтинг "Forbes" журнали томонидан эълон қилинган.
Кучли бешталикка АҚШ, Буюк Британия, Канада ва Австралия мамлакатлари кирган.
Рўйхат муаллифлари барча хайр-эҳсонлар ҳам коронавирусга қарши кураш учун сарфланмаганини таъкидлаган, яъни Умумжаҳон тенгликни тарғиб қилувчи ташкилотларга ҳам молиявий кўмак ажратилган.
Журналистлар АҚШнинг озиқ-овқат жамғармаси кампаниясининг муваффақиятли натижаларини таъкидлаган. Ташкилот вакиллари ёрдамга муҳтожлар учун 44 миллион доллардан кўпроқ маблағ тўплаган.
Шунингдек, коронавирус пандемияси билан курашиш учун маблағ ажратган энг сахий ҳомий Twitter асосчиси Жек Дорси бўлган. У ушбу мақсад йўлида миллиард доллар сарфлаган.