16 июндан кейин АҚШ ва Россия муносабатлари қайтадан бошланадими?
Оқ уй АҚШ президенти Жо Байден ва Россия раҳбари Владимир Путиннинг учрашувини АҚШ ва Россия ўртасидаги "муносабатларни қайта бошлаш" деб ҳисобламайди. Бу ҳақда Оқ уйдаги Миллий хавфсизлик кенгашининг Европа ишлари бўйича катта директори Аманда Слот айтиб ўтди, деб хабар беради РИА Новости Американинг CNN телеканалига асосланиб.
«Бу, албатта, қайта бошлаш эмас. Президент буни аниқ айтиб берди. Байден ўзаро келишмовчиликларимизни муҳокама қилади», - дея унинг сўзларини келтиради агентлик.
Аввалроқ, 11 июнь куни АҚШ Марказий разведка бошқармаси директори Уильям Бернс Байденни россиялик ҳамкасби билан учрашувга тайёрлагани маълум бўлди.
8 июнь куни Оқ уй матбуот котиби Жен Псаки Байден "Путин билан учрашувга 50 йил давомида тайёргарлик кўрганини" айтди. Бунга жавобан Федерация Кенгаши аъзоси Алексей Пушков тажриба Америка раҳбарига "ўз ҳамкасбига ўз шартларини юкламасликка ҳаракат қилишига" имкон беради деб умид қилди.
Россия ва АҚШ президентларининг учрашуви 16 июнь куни Женевада бўлиб ўтади.
