125 минг фаластинлик Рамазон ойининг учинчи жума намозини Ал-Ақсо масжидида ўқиди
Исроил келтириб чиқарган қийинчилик ва тўсиқларга қарамай, 125 мингга яқин фаластинлик Рамазон ойининг учинчи жума намозини Ал-Ақсо масжидида адо этди.
Ўн минглаб фаластинликлар эрта тонгдан Ғарбий Соҳил ва Қуддус ўртасидаги ҳарбий назорат пунктларидан ўтиб, ал-Ақсо томон йўл олди.
Кўп соатлик йўл юрган фаластинликлар пиёда Масжид-ул-Ақсога етиб келишди ва шу ерда Рамазон ойининг учинчи жума намозини ўқишди.
Исроил полицияси эрталабдан буён ҳудудда бўлиб, ишғол қилинган Шарқий Қуддуснинг Ал-Ақсо масжиди жойлашган Эски шаҳар атрофидаги йўлларни темир тўсиқлар билан тўсиб қўйган эди.
Ал-Ақса масжидига киришдан олдин фаластинликларнинг шахсини текширган Исроил полицияси, айниқса, маълум бир ёш тоифаси остида бўлган кўплаб фаластинликни қайтарди.
Қуддус Исломий Вақфлар Бошқармаси берган баёнотда, 125 минг фаластинлик Ал-Ақсода жума намозини ўқиди.
Исроил ишғол остидаги Ғарбий Соҳилдан шармандалик девори билан ўралган Қуддусга 50 ёшдан кичик аёллар ва 55 ёшгача бўлган эркакларга рухсат бермади.