Yoshlarning alohida toifalariga garovsiz kreditlar ajratiladi

Yoshlarning alohida toifalariga garovsiz kreditlar ajratiladi

Hukumat qarori (637-son, 12.10.2021 y.) bilan “Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yangi turmush qurgan yoshlarning yakka tartibdagi xonadonida qo‘shimcha uy-joy qurish uchun garovsiz kredit ajratish tartibi to‘g‘risidagi nizom tasdiqlandi

🔰 Nizomga ko‘ra, kreditlar banklar tomonidan qaytarishlik, to‘lovlilik, ta’minlanganlik, muddatlilik va maqsadlilik shartlarida beriladi.

💰 Kreditlar yoshlarning alohida toifalariga garovsiz asosda ajratiladi.

📝 Bunda tegishlicha “Saxovat va ko‘mak”, “Ayollar daftari”, “Yoshlar daftari” jamg‘armalari kafilligi taqdim etiladi.

📌 Kafillik berilganligi uchun to‘lov (mukofot puli) undirilmaydi.

✅ Qarz oluvchilar, jumladan, quyidagi muvofiqlik mezonlariga mos bo‘lishi lozim:

🔸 18 yoshga to‘lgan va 30 yoshdan oshmagan;
🔸 yangi (ikkala tomon uchun birinchi marotaba) turmush qurgan;
🔸 ilgari arzon uy-joy qurish dasturlari doirasida imtiyozli ipoteka krediti olmagan bo‘lishi kerak.

➡️ Shunga ko‘ra, yoshlarning alohida toifalariga kreditlar:

➖ bozor stavkasida mijoz xohishiga ko‘ra 6 oy imtiyozli davr bilan;
➖ 20 yildan ko‘p bo‘lmagan muddatga;
➖ boshlang‘ich badali yakka tartibdagi xonadonda qo‘shimcha qurilayotgan uy-joy qiymatining 15 foizidan kam bo‘lmagan miqdorda;
➖ bir qarz oluvchiga 33 million so‘mdan oshmaydigan miqdorda beriladi.

⏳ Tegishli hujjatlar to‘liq taqdim qilingandan so‘ng bank 3 ish kunida ariza beruvchiga kredit berish masalasini ko‘rib chiqadi.

❕ Ariza qanoatlantirilgan taqdirda, kredit shartnomasi imzolanadi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!

Bildirilgan fikrlar (3 )

    Bintu
    УЗР. КИМ ТУШУНГАН БУЛСА ИЛТИМОС АНИКРО ТУШУНТИРИБ БЕРИЛА БИЗГАЯМ.
    Axmad
    33 millonga 1ta tivuq beradi hozi
    Bintu
    МАСАЛАН МЕН ДЕЯРЛИ 60 ЁШМАН. ЛЕК ПЕНСЯ ОМИМАН. УГЛИМ УКИШ БИТИРБ ИНСТ.ГА КИРОЛМЕ СИНОВ МУДДАТИДАН УТИБ ЭНДИ ИШЛАЯПТИ. ОТАСИ ЙУК. УЙЛАНИШИ КК. ЧАЛА БИТГАН УЙИ БОР. ФОИЗСИЗ КРЕДИТ ЯЪНИ УЙИНИ БИТИРИБ УЙЛАНИШИГА ЕТАДИГАН ПУЛ ОСА. МАОШИДАН ТУЛАСА БУЛАДИГАНМИ.БОЛАМ ИШЛАЯПТИ . ИЧМЕДИ ЧЕКМЕДИ НАМОЗХОН. ЛЕК МАОШИНИ ЙИГИБ УЙИНИ БИТИРБ УЙЛАНГУНЧА КАРИБ КОЛАДИ. ЛЕК ИМТИЕЗЛИ КРЕДИТ ОСА СЕКИН СЕКИН КАРЗИДАН УЗИЛАРДИ.