Shu tariqa 82 ta ijro ishi amalga yakunlangan.

Majburiy ijro byurosi Urganch shahar bo‘limi ish yurituvida bo‘lgan jinoyat ishlari bo‘yicha sudlarning ijro hujjatlariga asosan nomuvofiq va yaroqsiz deb topilgan tovar moddiy boyliklarini yo‘q qilish bo‘yicha tadbir o‘tkazildi.

Byuroning Urganch shahar bo‘limi davlat ijrochilari tomonidan 13.03.2026 yil kuniga ijro harakatlari tayinlanib, Urganch tumani hududida joylashgan markaziy chiqindi maydonida o‘tkazilgan tadbirda Bojxona qo‘mitasining Xorazm viloyati boshqarmasi, IIB, Urganch shahar sanitariya epidemiologiya osoyishtalik markazi va Urganch shahar atrof-muhitni muhofaza qilish boshqarmasi vakillari ishtirok etdi.

Tadbir davomida 82 ta ijro ishlari yuzasidan 88 turdagi 2.340 dona kapsula shaklidagi biologik aktiv qo‘shimchalar, 8 ta uyali telefon aparati, 22 ta alkogol mahsulotlari, 16 ta rasiya hamda unga tegishli bo‘lgan quvvatlash qurilmalari va quloqchinlar, 29 ta lazerli nur tarqatgich apparati, 21 ta quti tabletkalar, 22 ta quti tamaki mahsulotlari va ashyoviy dalil deb e’tirof qilingan boshqa turdagi mol-mulklar sindirish va karobkalarni yirtib tashlash yo‘li bilan yo‘q qilinib, ijro ishlari amalda tamomlandi.