Yaponiyada tayfun tufayli yuzlab reyslar bekor qilinadi

“Ampil” to‘foni yaqinlashib kelayotgani munosabati bilan aviakompaniyalar yuzlab reyslarni bekor qiladi, temir yo‘llar esa 16 avgust kuni Yaponiyada o‘z faoliyatining bir qismini to‘xtatadi, deya xabar beradi Reuters.

Yaponiya meteorologiya boshqarmasi tomonidan “kuchli” deb tasniflangan “Ampil” to‘foni (№7 to‘fon) Tokio va uning atrofidagi hududlarga yo‘l olmoqda.

Boshqarma ma’lumotlariga ko‘ra, shamolning tezligi sekundiga 35 metrga yetgan, maksimal kuchayishi esa sekundiga 50 metrga yetgan.

-To‘fon yaqinlashar ekan, biz aholini bo‘ronlar, baland to‘lqinlar va kuchli yomg‘ir tufayli o‘ta ehtiyotkor bo‘lishga chaqiramiz, — dedi meteorologiya boshqarmasi vakili.

Japan Airlines aviakompaniyasi 191 ta ichki va 26 ta xalqaro reyslarni bekor qilishni rejalashtirayotganini aytdi.

Yana bir yirik aviakompaniya All Nippon Airways (ANA) juma kuni rejalashtirilgan 280 ta ichki reyslarni bekor qilganini e’lon qildi, bu esa 60 000 dan ortiq yo‘lovchiga ta’sir ko‘rsatdi.

Central Japan Railway kompaniyasi juma kuni Tokio va Nagoya o‘rtasidagi barcha «sinkansen» tezyurar poyezdi qatnovini bekor qilishini aytdi.