Yakkabog‘dagi maktab yeri ko‘p qavatli uy qurish uchun berib yuborilgani ma’lum bo‘ldi

Qashqadaryo viloyati prokuraturasining ma’lum qilishicha, Yakkabog‘ tumanidagi 75-umumta’lim maktabi balansidagi yer uchastkalari ko‘p qavatli turar-joy binosi qurish uchun ajratilib, asossiz ravishda begonalashtirilgan.

Talon-toroj qilinganlik holati yuzasidan tuman hokimligi huzuridagi yer uchastkalarini egalik qilishga, foydalanishga va ijaraga berish (realizasiya qilish) masalalarini ko‘rib chiqish doimiy komissiyasi mansabdor shaxslari va boshqalarga nisbatan jinoyat kodeksining 205-moddasi bilan jinoyat ishi qo‘zg‘atilgan bo‘lib, hozirda dastlabki tergov harakatlari olib borilmoqda.

Tergovning borishi nazoratga olingan, deyiladi xabarda.