Xushnud Xudoyberdiyev: "Rahmat aytishimiz shart emas. Bu — sizning burchingiz, biz to‘layotgan soliqdan oylik olyapsiz" (VIDEO)
IIV rasmiylari ishtirokida «Ichki ishlar organlarida migrasiya jarayonlari va fuqarolikni rasmiylashtirish sohasida amalga oshirilayotgan chora tadbirlar haqida» matbuot anjumani haqida xabar bergandik, deb yozadi "xabar.uz".
Tadbirda huquqshunos va bloger Xushnudbek Xudoyberdiyev Toshkent propiskasi va ikkilamchi bozordan uy sotib olish va boshqa masalalar xususida o‘z fikrini bildirib o‘tdi.
«Oxirgi paytlarda propiska bilan bog‘liq yengilliklar bo‘layotgani rost. Ammo bu masalaga oid mantiqsizliklar ham bor. Masalan Toshkentda propiska beruvchi tashkilotlar ichida nodavlat tashkilotlarning ham borligidi. Ikkinchi masala: Toshkent viloyati propiska nimaga kerak? Toshkent shahrini mayli, tushundik.
Masalan Bo‘kaga, yohud Oqqo‘rg‘onga nima uchun kerak, 12 ta band bo‘yicha propiskaga kirish? Toshkent viloyati og‘riqli nuqtamiz deymiz. Balki, propiskayam bir sababdir. U yerga balki shu sabab hech kim bormas, infrastruktura rivojlanmas...» deya fikrini bayon etdi bloger.
Xushnudbek Xudoyberdiyevning to‘liq fikrlari bilan quyidagi videoda tanishishingiz mumkin.
