Xalqaro jinoiy sud Shoygu va Gerasimovni hibsga olishga order berdi

Xalqaro jinoiy sud Shoygu va Gerasimovni hibsga olishga order berdi

Gaagadagi Xalqaro jinoyat sudi sobiq mudofaa vaziri, Rossiya Xavfsizlik kengashi kotibi Sergey Shoygu va Bosh shtab rahbari Valeriy Gerasimovni hibsga olishga order berdi.

"Xalqaro jinoiy sudning II sudgacha palatasi Ukrainadagi vaziyat nuqtai nazaridan kamida 2022 yil 10 oktyabrdan kamida 2023 yil 9 mayigacha sodir etilgan xalqaro jinoyatlar bo‘yicha ikki shaxsni – Sergey Kujugetovich Shoygu va Valeriy Vasilevich Gerasimovni hibsga olish uchun order berdi", — deyiladi sud saytidagi xabarda.

Halqaro jinoyat sudi aniqlik kiritganidek, “ikki gumondor kamida 2022 yilning 10 oktyabridan 2023 yilning 9 mayiga qadar Rossiya harbiy kuchlari tomonidan Ukraina elektr infratuzilmasiga uyushtirilgan raketa hujumlari uchun javobgar deb hisoblash uchun asosli asoslar mavjud". Bu vaqt ichida Rossiya armiyasi "Ukrainaning turli nuqtalaridagi ko‘plab elektr stansiyalari va podstansiyalariga ko‘plab hujumlar uyushtirdi" - deyiladi nashrda.

Sud Ukraina energetika tizimiga qilingan hujumlarning maqsadga muvofiqligi yetarli emasligi va tinch aholiga ko‘proq zarar yetkazishiga ishonadi.

Rossiya Xavfsizlik Kengashi matbuot xizmatining ta’kidlashicha, XJSning sudgacha bo‘lgan palatasining Sergey Shoyguga qarshi qarori bekor va "G‘arbning Rossiyaga qarshi gibrid urushining bir qismi sifatida" qabul qilingan.

2023 yil mart oyida XJSning Tergov palatasi prezident Vladimir Putin va Rossiya Federasiyasidagi bolalar huquqlari bo‘yicha komissari Mariya Lvova-Belovani hibsga olishga order berdi. XJS qarori “2022 yil 24 fevraldan beri Rossiya kuchlari tomonidan bosib olingan Ukraina hududlaridan bolalarni noqonuniy deportasiya qilish bo‘yicha” ish doirasida qabul qilingan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!