Venesiya san’at biyennalesida mamlakatimiz pavilyoni ochildi

O‘zbekistonga xos, qo‘lda tikilgan so‘zana kashtasi sun’iy texnologiya yordamida qayta talqin qilinadi.

60-Venesiya zamonaviy san’at biyennalesidagi O‘zbekiston milliy pavilyonida “Imkoniyatingni boy berma!” ko‘rgazmasi tantanali suratda ochildi. 20 aprel kuni ushbu tadbir keng jamoatchilik uchun ish boshlaydi. “Chet elliklar har yerda” shiori biyennale kuratori Adriano Pedrosa tomonidan e’lon qilindi.

Toshkentdagi Zamonaviy san’at markazi muhofizligi ostida rassom Aziza Qodiriy tomonidan ishlab chiqilgan loyiha pavilyoni namoyish ashyolarini yaratish ustida esa “Qizlar Collective” nomli mo‘yqalam sohibalaridan iborat Toshkent guruhi faoliyat yuritmoqda.

Ko‘rgazmada so‘zana ustasi Madina Qosimboyeva tomonidan Qodiriy chizmalari asosida qo‘l mehnati bilan tikilgan asarlar namoyish etilmoqda.

O‘zbekiston madaniyat va san’atni rivojlantirish jamg‘armasidan xabar berishlaricha, “Imkoniyatingni boy berma!” loyihasi g‘oyasi biyennale mavzusi bilan chambarchas bog‘liq.

Namoyish buyumlari XX asr boshida butun Yevrosiyoda joylashgan Madaniyat uylaridan ilhomlangan teatr sahnasi pardasi ortidagi muhitni ifodalaydi.

Teatrga xos holat an’anaviy libos andozasi asosida yaratilgan qurilmalar yordamida jonlanadi, rassom ayollar guruhi audiovizual materiallari bilan boyitiladi. Taqdimot ayollar hikoyalari, jamoaviy amaliyot hamda jismoniy vujud va uning tevarak-atrofidagi olam bilan murakkab munosabatiga urg‘u beradi.

Bu yil ko‘rgazma texnologiya va an’ana o‘rtasidagi o‘zaro ta’sirni o‘rganadi. So‘zana kashtasi sun’iy texnologiya yordamida talqin qilinadi. Sun’iy idrok tomonidan qayta ishlangan so‘zananing odatiy naqshin gullari asl qiyofasini butkul o‘zgartirib, tanib bo‘lmaydigan darajaga keladi.

Mazkur kombinasiya nafaqat an’anaviy naqshni qayta anglatadi, balki zamonaviy dunyodagi madaniy o‘zgarishga ham urg‘u beradi.

Qayd etish kerak, Toshkentdagi Zamonaviy san’at markazi bu yil ilk bor kurator sifatida faoliyat yuritmoqda.