Uzmetronom sayti asoschisi Sergey Yejkov sudda K.Allamjonovdan uzr so‘radi
2022 yilning 6 iyul kuni Shayxontohur tuman sudida O‘zbekiston Respublikasi Jinoyat kodeksining 139-moddasi (tuhmat)da nazarda tutilgan jinoyatda ayblanayotgan Uzmetronom sayti asoschisi S.Ejkovning jinoyat ishi bo‘yicha ikkinchi sud majlisi bo‘lib o‘tdi.
Majlisda jabrlanuvchi K.Allamjonov va sudlanuvchi S.Ejkov «Brilliantoviy malchik» va «Sliv s dalnim priselom» maqolalari yuzasidan o‘z pozisiyalarini bildirdilar.
S.Ejkov tegishli dalillarsiz materialni e’lon qilganidan afsusda ekanligini bildirdi va sudda K.Allamjonovdan uzr so‘radi.
O‘z navbatida, Allamjonov, uning maqsadi — Yejkovni jazolash emas, balki o‘zining haq ekanini isbotlash bo‘lganini, u bunga erishgani va o‘z arizasini qaytarib olishini bildirdi. U har qanday bahslar ko‘chada, «podval»larda emas, aynan sudlarda hal qilinishi kerakligini ta’kidladi.
Sud majlisi yakunida Komil Allamjonov Sergey Yejkovga qo‘l uzatgani zaldagilar uchun kutilmagan voqea bo‘ldi. U Yejkovga o‘zining «Allamjonov aybdor» kitobini «Sud zalidan aziz Yejkov S.A. akaga esdalik uchun» deb yozilgan dastxat bilan sovg‘a qildi.
