O‘zbekistondagi yirik oyna ishlab chiqaruvchi “Kvars” AJ sement zavodining bir qismiga aylanadi
2023 yilning fevral oyida “Quvasoysement” AJ (United Cement Group kompaniyasi guruhi tarkibiga kiradi) O‘zbekistondagi yirik oyna ishlab chiqaruvchi “Kvars” AJning 89,78% aksiyalarini xarid qilganini e’lon qildi. Bu qadam zavodni yangi bosqichga chiqqanini anglatadi.
Birinchidan, “Quvasoysement” AJga qo‘shilish ikki korxona uchun ham samaradorlikni oshiradi: ular birgalikda sement, shifer, gazoblok va oyna kabi qurilish mollari bilan to‘lig‘icha ta’minlay oladi. “Kvars” zavodini aynan O‘zbekistondagi eng yirik sement zavodlaridan biri hisoblangan — “Quvasosementga” qo‘shilishi muhim. Ikkinchidan bu sanoat ittifoqi, quruvchi korxonalarning ishini yengillatadi, quruvchilar sement, klinker va arxitekturaviy hamda qurilish uchun zarur oyna mahsulotlarini bitta ishonchli yetkazib beruvchidan oladi.
Ayni damda “Kvars” AJ moliyaviy jihatdan o‘tkir defisit holatida. Chunki amaldagi barcha resurslar qarzlarni qoplash maqsadida sarflanmoqda. “Zarafshon oyna” MCHJning ishga tushishi va bozordagi mahsulot narxining pasayishi ortidan 2022 yilning ikkinchi yarmida korxonaning daromadi sezilarli darajada pasaydi. Bundan tashqari “Kvars” Ajning ikki liniyasi talab pasayishi ortidan faoliyatini to‘xtatdi.
- “Kvars” AJda yuzaga kelgan mushkul vaziyatdan kelib chiqib, men United Cement Group boshqaruv kengashiga “Kvars” AJ korxonasini jonlantirishni taklif qildim. Zavodning ishlab chiqarish quvvatini oshirish uchun UCG zavodga jiddiy sarmoya kiritishi, uning muammolarini yechishi, qarzdorlik majburiyatlarini tugatishi, eskirgan uskunalarni yangilashi kerak, - deydi United Cement Group boshqaruv kengashi a’zosi Andreas Kern.
Bugundan zavodda float-oyna yangi ishlab chiqarish liniyasini qurish ishlari boshlandi. Bundan tashqari, zavod kapital ta’mirga muhtoj holatda. Hozirda UCG zavodni rivojlantirish, ishlab chiqarishni kengaytirish uchun zavoddan tushayotgan mablag‘ni uning o‘ziga sarflamoqda. Eski uskunalardan faqatgina ikkita italyan uskunasi qoldiriladi. Yangilardan esa avtomatlashtirilgan nazorat (yaroqsiz mahsulotni inson emas robot aniqlashtiradigan tizim), shisha idishlarni ishlab chiqaruvchi yangi liniya paydo bo‘ladi. Sex to‘lig‘icha modernizasiya qilinadi. Unga gazni 35%gacha iqtisod qiluvchi zamonaviy pech o‘rnatiladi. Butun liniya esa 25% gacha elektr energiyasini iqtisod qiladi.
- UCG yashil iqtisodiyot standarti bo‘yicha faoliyat ko‘rsatadi va uning barcha korxonalari energiya samaradorlik asosida modernizasiya qilinmoqda. Bundan tashqari, biz energiya saqlovchi oynalarni ishlab chiqarish loyihasi ustida ish olib bormoqdamiz. UCG uning tarkibidagi korxonalar bozordagi kuchli o‘yinchilardan bo‘lishidan manfaatdor, shunchaki talabdan kelib chiqib emas balki xalqaro standartlar asosida faoliyat ko‘rsatishni istaydi. “Kvars” va “Quvasoysement” sement zavodi masalasida esa, mamlakat ichida ham sifatli qurilish mollari asosida ob’ektlarni qurishni va xalqaro darajadagi mahsulotlarni eksport qilishni mo‘ljallaganmiz, - deya izohlaydi Andreas Kern.
Robotlashtirilgan texnikalarni boshqarish uchun zarur bo‘ladigan kadrlar masalasida esa, kompaniya rahbariyati yosh mutaxassislarni chet davlatlaridagi yetakchi o‘quv markazlariga, shu jumladan Yevropa va AQShga jo‘natishni rejalashtirmoqda. Ayni damda qobiliyatli yoshlar orasidan saralab olish bosqichi bo‘lib o‘tmoqda.
Zavod faoliyati davomida yashil texnologiyalarga ham e’tibor qaratadi. Oyna zavodlari deyarli atrof-muhitga zarar yetkazmasligi va chiqindi chiqarmasligiga qaramay, “Kvars” AJ gaz sarfini maqbullashtiradi.
“Kvars” AJ haqida so‘z borar ekan, alohida ta’kidlab o‘tish kerakki, bu qadam juda ham eski holatdagi korxona uchun “ikkinchi” hayotni taqdim etadi. Andreas Kernning fikricha, O‘zbekistondagi korxonaning jonlanishida uning xususiy sektorga berilishi, ya’ni privatizasiya qilinishi muhim o‘rin tutdi. Chunki privatizasiya davomida xalqaro tajriba qo‘llaniladi. Aynan privatizasiya korxonaning modernizasiya qilinishini tezlashtirishi va uni nafaqat O‘zbeeistonda, balki xorijda ham raqobatbardosh kompaniyaga aylanishiga, yashil texnologiyalar va xalqaro menejment tatbiq qilinishiga olib keladi.
Bularning barchasi yakunda O‘zbekiston Respublikasini Markaziy Osiyo mintaqasi yetakchilari qatoriga olib chiqishi mumkin.
