O‘zbekistonda tojik va qozoq tilida xabar tarqatadigan rasmiy saytlar yana bittaga ko‘paydi

O‘zbekiston Respublikasi Vazirlar Mahkamasi nashri — «Yangi O‘zbekiston» va «Pravda Vostoka» gazetalarining www.yuz.uz rasmiy veb-saytini endi tojik va qozoq tilidagi versiyasi orqali ham kuzatish mumkin.

Rasmiy saytning qo‘shni va azaliy qardosh xalqlar tilidagi versiyasi ish boshlashi keyingi yillarda Markaziy Osiyo davlatlari rahbarlarining mintaqada do‘stona siyosat yuritishi samarasi o‘laroq, birodar xalqlarimiz o‘rtasidagi hamjihatlik, bag‘rikenglik ruhidagi munosabatlarni yanada mustahkamlashga xizmat qiladi.

Ma’lumot uchun: shu paytgacha www.yuz.uz sayti o‘zbek, rus va ingliz tillarida axborot uzatar edi.