Turkiyada dunyodagi eng uzun ko‘prik qurildi

Limak Holding direktorlar kengashi raisi Ebru O‘zdemir Dardanel bo‘g‘ozi orqali o‘tgan yangi “Chanoqqal’a 1915” osma ko‘prigi ochilishga tayyor, u dunyodagi eng uzun 2023 metrlik markaziy ko‘prikka ega bo‘ladi, deb xabar bermoqda.

"Ochilish uchun tayyor ekanligimizni tegishli idoralarga ma’lum qildik. Sanani kutmoqdamiz", - deya O‘zdemirning so‘zlarini keltiradi Aksam gazetasi.

"Agar bu muammolarni boshdan kechirmaganimizda, biz 3 oy oldin ochilishni amalga oshirishimiz mumkin edi. 3,1 milliard yevroga baholangan loyihaning umumiy qiymati COVID-19 ta’siri va ko‘tarilgan narxlar tufayli 300 million yevroga oshdi", - deya ta’kidlagan u.

“Anadolu” agentligi ma’lumotlariga ko‘ra, markaziy oraliqni ushlab turuvchi ko‘prik ustunlarining balandligi 300 metrdan oshadi. Ko‘prik uzunligi 3,7 kilometrni tashkil etadi va Malkara-Chanoqqal’a avtomobil yo‘lining 101-kilometrining muhim bo‘g‘iniga aylanadi. Ustunlarning tutashgan joylari va ko‘prik elementlari Turkiya bayrog‘i ranglari bo‘lgan qizil va oq rangga bo‘yaladi.

Dardanel bo‘g‘ozi bo‘ylab olti polosali (har bir yo‘nalishda uchtadan) osma ko‘prikning umumiy uzunligi 4608 metrga yetadi.