Toshkentda qariyalar uyining devori qulab tushdi
Toshkent IIBB ijtimoiy tarmoqlarda tarqalgan poytaxtning Olmazor tumanida devor qulagani haqida ma’lumot yuzasidan bayonot berdi.
Unda aytilishicha, 14 mart kuni taxminan soat 00:45 larda Olmazor tumani Guruch-ariq ko‘chasida joylashgan qariyalar uyining balandligi 3 metr, uzunligi 14 metr bo‘lgan devori qulab tushgan. Hodisaga poytaxtda kuzatilgan kuchli yog‘ingarchilik sabab bo‘lgan.
Natijada, devor oldida turgan Nexia avtomashinaga shikast yetgan. Jarohat olganlar yo‘q.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
