Tojikistonda qurolli to‘qnashuv oqibatida bir ofiser halok bo‘ldi, 10dan ortiq askar yaralandi

Tojikistonda qurollangan jinoiy guruh hujumi oqibatida mamlakat milliy xavfsizlik qo‘mitasining bir nafar ofiseri halok bo‘ldi, 13 nafar askar jarohatlandi. Bu haqda Tojikiston IIV matbuot xizmati xabar berdi.

Xabarda aytilishicha, 200 kishidan iborat guruh Tog‘li Badaxshon avtonom oblastining Rushon rayonida davlat xavfsizlik qo‘mitasining kolonnasiga hujum qilgan.

“Barcha turdagi qurollardan foydalangan 200 kishidan iborat uyushgan jinoiy guruh Dushanbe – Xorug‘ yo‘li va Rushon rayoni markazining uchta nuqtasida chegara komendaturasini to‘sib qo‘ygan. Jinoiy guruh ushbu harakatlarga oldindan tayyorgarlik ko‘rgan va buning uchun xorijdan qurol olib kirgan", - deyiladi xabarda.

O‘tkazilgan aksilterror operasiyasi davomida 8 kishi yo‘q qilingan, 11 nafari yaralangan va 70 dan ortiq kishi qo‘lga olingan.