Sun’iy intellekt tabiatda mavjud bo‘lmagan oqsillarni yaratdi
![Sun’iy intellekt tabiatda mavjud bo‘lmagan oqsillarni yaratdi Sun’iy intellekt tabiatda mavjud bo‘lmagan oqsillarni yaratdi](/photos/news/fcJnGa7d3J3XZFW.jpeg)
Sun’iy intellekt modeli tabiatda tabiiy ravishda uchramaydigan oqsillarni yaratishni o‘rgandi. Dasturdan foydalanib, olimlar tabiiy oqsillarga atigi 58% o‘xshash yangi lyuminessent oqsilni loyihalashtirdi.
Mashg‘ulotlar jarayonida sun’iy intellekt 2,78 milliard oqsil haqidagi ma’lumotlarni tahlil qildi. Har bir oqsilning ketma-ketligi (aminokislotalarning qurilish bloklari tartibi), tuzilishi va funksiyasi ko‘rsatilgan.
Olimlar tasodifiy ravishda bu oqsillar haqidagi ma’lumotlar bo‘laklarini yashirishdi va modeldan yetishmayotgan qismlarni to‘ldirishni so‘rashdi. Sun’iy intellekt ilgari olingan ma’lumotlarga asoslanib, o‘ziga xos funksiyalarga ega yangi oqsillarni yaratdi. Tadqiqotchilar buni "biologiya uchun muhim moment" deb atashmoqda.
Tajribalar uchun lyuminessent oqsili tanlandi - u yorug‘likni ushlaydi va uni uzoqroq to‘lqin uzunligida qaytaradi. Biologlar ularni ko‘rish va kuzatish uchun molekulalarga bu oqsillarni biriktiradilar.
Sun’iy intellekt floresansni keltirib chiqarishga qodir bo‘lgan ketma-ketlik va tuzilmalarga ega 96 ta oqsilni yaratdi. Olimlar tabiiy analoglarga eng kam o‘xshashini tanladilar. Bu oddiy oqsillarga qaraganda 50 baravar xiraroq bo‘lib chiqdi, ammo sun’iy intellekt yana bir iterasiyani amalga oshirdi va yorqinlikni oshiradigan ketma-ketliklarni qo‘shdi. Yangi protein "esmGPF" deb nomlandi.
Model bir necha soniya ichida kerakli operasiyalarni amalga oshirdi. Tabiatda xuddi shunday natijalarga erishish uchun 500 million yillik evolyusiya kerak bo‘ladi, deya xabar beradi Live Sciyence.