Samarqanddagi “metan zapravka”larning ish kunlari belgilandi
Anomal sovuq kunlarida tabiiy gaz bosimi pasaygach, yurtimizdagi avtomobillarga gaz to‘ldirish kompressor shoxobchalari (AGTKSh) faoliyati to‘xtatilgan edi.
Kecha 2 fevraldan mahalliy hokimliklar qarori bilan mazkur shoxobchalar bosqichma-bosqich ish boshlamoqda. “Hududgaz Samarqand” gaz ta’minoti Samarqand viloyat filiali ma’lumotiga ko‘ra, bugungi kunda gaz quvurlarida bosimning me’yorga kelishi natijasida viloyatdagi 141 ta AGTKShlar faoliyati tiklanmoqda. 2-20 fevral kunlari uchun tasdiqlangan javdalga ko‘ra, shoxobchalar bir kun faoliyat ko‘rsatib, bir kun yopiq bo‘ladi. Ular soat 8.00 dan 13.00 ga qadar faoliyat ko‘rsatadi.
Shoxobchalar faoliyat yuritish vaqti hududlar sharoitidan kelib chiqqan holda mahalliy hokimliklar bilan kelishilgan tarzda amalga oshiriladi va vaqt cheklovlari gaz quvurlarida bosimga qarab o‘zgartirib turiladi.