Rim Papasi Turkiya va Suriyaga hamdardlik bildirdi

Rim papasi Fransisk Turkiya va Suriyada ko‘plab qurbonlarga olib kelgan zilzila munosabati bilan hamdardlik bildirdi.

Bu haqda Rim Papasining "Tvitter"dagi rasmiy sahifasi ma’lum qildi.

"Turkiya va Suriyada sodir bo‘lgan zilzila oqibatida ko‘p sonli insonlar halok bo‘lgani haqidagi xabar chuqur qayg‘uga soldi. Men barcha vafot etganlarning oila a’zolariga hamdardlik bildiraman va qutqaruv operasiyalarida qatnashganlarning barchasi uchun ibodat qilaman" - deyiladi Rim Papasi Fransis bayonotida.