Red Bull YEIning monopoliyaga qarshi qonunchiligini buzdi

Red Bull YEIning monopoliyaga qarshi qonunchiligini buzdi

Evrokomissiya (EK) Avstriyaning energetik ichimliklar ishlab chiqaruvchi Red Bull kompaniyasini Yevropaning monopoliyaga qarshi qonunchiligini buzganlikda va noqonuniy til biriktirganlikda gumon qilmoqda, korporasiya ofisida tintuv o‘tkazildi, deya xabar beradi TASS.

Avstriya matbuot agentligi xabariga ko‘ra, dushanba kuni kompaniya ofisida Yevropa sub’ektlari vakillari Avstriya raqobat federal agentligi xodimlari ishtirokida tintuv o‘tkazgan.

Seshanba kuni Yevrokomissiya Red Bull kompaniyasiga nisbatan rasmiy tekshiruv boshladi. Korporasiyaning o‘zi tintuv faktini tasdiqladi va qo‘shimcha izoh berishdan bosh tortdi.

Red Bull turli sport turlari bo‘yicha musobaqalarning homiysi va tashkilotchisi sifatida tanilgan. Uning shtab-kvartirasi Avstriyaning Fushl-na-Ze shahrida (Zalsburg Federal shtati) joylashgan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!