“Real”ning yangi mavsumdagi asosiy maqsadi ma’lum bo‘ldi

“Real” rahbariyati yangi murabbiy Xuan Lopetegiga jamoaning yangi mavsumdagi asosiy maqsadini belgilab berdi. Bu haqda ispaniyalik mutaxassisning o‘zi “Real”ning rasmiy saytiga bergan intervyusida rasman ma’lum qildi.

“Men “Real” rahbariyatining topshiriqlarini bajarishni istayman va menga ishonch bildirishganidan mamnunman. Biz klubning sha’ni, g‘ururi, qadr-qimmatini himoya qilishga intilamiz. Yangi mavsumdagi asosiy maqsadimiz — har bir turnirda g‘alaba qozonish. Rahbariyat “Real” yangi mavsumda har bir turnirda zafar quchishini istamoqda”, dedi Lopetegi.