Qozog‘istonda KXSHTning “Buzilmas birodarlik” mashg‘ulotlari boshlandi

O‘quvlarda Qozog‘iston, Rossiya, Belarus, Qirg‘iziston va Tojikiston harbiylari ishtirok etmoqda.

Mashqlar kontingentlarni qayta to‘plash va muvofiqlashtirish hamda tinchlikparvarlik amaliyotlarini o‘tkazishni o‘z ichiga oladi.

Bu safargi mashg‘ulotlarga polisiya, Milliy gvardiya, xavfsizlik idoralari, Favqulodda vaziyatlar vazirligi ham jalb etilgan.

Jami 2000 nafar harbiy xizmatchi, 500 ta zirhli va avtomobil texnikasi, Mi-17, Mi-35 vertolyotlari, Il-76 va Si-295 samolyotlari, uchuvchisiz apparatlar ishtirok etmoqda.