Qozog‘istonda ko‘k yo‘taldan o‘lim qayd etildi

Qozog‘istonning Qarag‘anda viloyatida bir bola ko‘k yo‘taldan vafot etdi, dedi seshanba kuni hukumat brifingida sog‘liqni saqlash vaziri Akmaral Alnazarova. Biroq, u bu qachon sodir bo‘lganiga aniqlik kiritmadi, faqat bolaga emlanmaganligini ta’kidladi.

«Bu yil biz butun aholi salomatligi juda zaif ekanligini ko‘rdik. So‘nggi bir necha yil ichida to‘plangan emlanmagan bolalarning ahamiyatsiz qatlami ham bunday epidemiyaga sabab bo‘ldi. Va, afsuski, Qarag‘anda viloyatida ko‘k yo‘taldan o‘limga olib kelgan bitta holat mavjud», — dedi Alnazarova.

Vazirning fikricha, bu holatda emlashdan bosh tortgan ota-onalarning javobgarligi birgalikda bo‘lishi kerak.

Keyinroq Sog‘liqni saqlash vazirligi bola mart oyida vafot etganiga aniqlik kiritdi.

Umuman, yil boshidan buyon 1353 ta ko‘k yo‘tal holati qayd etilgan bo‘lib, har 100 ming aholiga nisbatan ko‘rsatkich 6,8 ni tashkil etdi. 2023 yilda 421 ta holat qayd etilgan bo‘lib, 100 ming aholiga nisbatan ko‘rsatkich 2,1 ni tashkil etdi.