Qizil kitobga kiritilgan lolani uzgan fuqaroga jarima solindi

Toshkent viloyati Ekologiya boshqarmasi Ohangaron tuman bo‘limi inspektorlari tomonidan nazorat tadbirlari o‘tkazildi.

Toshkent viloyati Ekologiya boshqarmasi matbuot xizmati xabariga ko‘ra, reyd davomida Ohangaron tumani Chetsuv MFY tog‘li hududida fuqaro I.E. tomonidan Qizil kitobga kiritilgan 2 dona tog‘ lolasini uzib tabiatga zarar yetkazganligi aniqlangan.

«Ushbu holat uchun huquqbuzarga nisbatan MJtKning tegishli moddalariga asosan ma’muriy bayonnoma rasmiylashtirildi va 1 mln 700 ming so‘m tabiatga yetkazilgan zarar chorasi qo‘llanildi», deyiladi xabarda.