Qirg‘iziston Tolibonni taqiqlangan tashkilotlar ro‘yxatidan rasman chiqardi

Qirg‘iziston Tashqi ishlar vazirligi «Tolibon» radikal harakati respublikada taqiqlangan tashkilotlar ro‘yxatidan chiqarilishini rasman tasdiqladi. Bu haqda boshqarma matbuot xizmati xabar berdi .

“Qirg‘iziston Respublikasi Tashqi ishlar vazirligi «Tolibon» harakatini Qirg‘iziston Respublikasi hududida taqiqlangan tashkilotlar ro‘yxatidan chiqarish to‘g‘risidagi qaror mamlakatning vakolatli davlat organlari tomonidan puxta o‘rganib chiqilgan va har tomonlama baholanganidan keyin qabul qilinganini tasdiqlaydi. ”, deyiladi xabarda.

Departamentning qo‘shimcha qilishicha, Qirg‘iziston hukumati bu qarorni «mintaqaviy barqarorlikni mustahkamlash va muloqotni davom ettirish» uchun qabul qilgan. Vazirlik, shuningdek, respublika xalqaro hamjamiyatning Afg‘onistonda barqarorlik va tinch muhitni ta’minlash borasidagi sa’y-harakatlarini qo‘llab-quvvatlashini ta’kidladi .