Hindistonda Boburiylar davrida qurilgan masjidni himoya qilgan to‘rt musulmon o‘ldirildi

Hindistonning Uttar-Pradesh shtati Sambhal shahrida Boburiylar hukmronligi davrida qurilgan Shohi Jama masjidini buzish uchun kelgan polisiya va mahalliy musulmonlar o‘rtasidagi to‘qnashuvda kamida to‘rt musulmon halok bo‘ldi, o‘nlab kishilar jarohatlangan.

NDTV telekanalining xabar berishicha, shaharda internet to‘xtatilgan, rasmiylar barcha maktablarni yopishga qaror qilgan, shaharga maxsus ruxsatsiz kirish taqiqlangan.

Tartibsizliklar rasmiylar Boburiylar hukmronligi davrida barpo etilgan qadimiy Shohi Jama masjidini buzish uchun polisiya himoyasi ostida kelganidan keyin boshlangan. Ushbu masjidni buzish uchun allaqachon sud qarori qabul qilingan. Hukumat masjid go‘yoki vayron qilingan hindu ibodatxonasi o‘rniga qurilgan. Bu qaror Sambhalda ko‘pchilikni tashkil etuvchi musulmon jamoasining noroziligiga sabab bo‘ldi.

NDTV telekanaliga ko‘ra, namoyishchilar bir necha mashinani yoqib yuborgan, polisiyaga tosh va tayoq otgan, polisiya esa yig‘ilganlarni tarqatish uchun ko‘zdan yosh oqizuvchi gaz va tayoqlardan foydalangan. Yaralanganlar orasida 20 ga yaqin polisiyachi bor, birining ahvoli og‘ir. 20 dan ortiq namoyishchi polisiya tomonidan hibsga olingan. Ijtimoiy tarmoqlarda masjidni himoya qilayotgan musulmonlarga o‘q uzilayotgani aks etgan videolar tarqaldi.

Eslatib o‘tamiz, avvalroq Hindiston hukumati ko‘p asrli Bobur masjidini buzib tashlab, o‘rniga hindu ibodatxonasini qurgan edi.