Putin BRIKS sammitida Isroil va Falastin o‘rtasidagi mojaroni muhokama qiladi

Rossiya prezidenti Vladimir Putin seshanba kuni Falastin-Isroil mojarosini muhokama qilish uchun videokonferensiya orqali BRIKSning navbatdan tashqari sammitida ishtirok etadi.

Avvalroq Janubiy Afrika Respublikasi prezidenti Siril Ramafosaning idorasi respublika 21 noyabr kuni Yaqin Sharqdagi, xususan, G‘azo sektoridagi vaziyatga bag‘ishlangan navbatdan tashqari BRIKS yig‘ilishini o‘tkazishi haqida xabar bergan edi. Keyinroq IRNA agentligi Eron prezidenti Ibrohim Raisi tegishli tashabbus bilan chiqqani haqida xabar berdi.