Ota aliment pullari o‘rniga uy berdi
Fuqarolik ishlari bo‘yicha Urganch tumanlararo sudining ijro hujjatiga asosan, qarzdor J.B. dan undiruvchi M.N ning foydasiga voyaga yetmagan ikki nafar farzandlari ta’minoti uchun qarzdorning har oydagi oylik ish haqi va boshqa daromadlarining 1/3 qismi miqdorida aliment undirish belgilangan.
Mazkur ijro hujjati yuzasidan alimentchi ota Byuroning tuman bo‘limiga kelib, farzandiga to‘lanishi lozim bo‘lgan aliment evaziga o‘z uyini rasmiylashtirib berish istagini bildirgan.
Shu bois, unga tegishli huquqiy tushuntirishlar berilib, Vazirlar Mahkamasining 06.10.2018 yildagi 808-sonli qaroriga muvofiq, sobiq turmush o‘rtog‘i bilan kelishilgan holda Urganch tumanidagi xovli joyini sobiq turmush o‘rtog‘ining nomiga rasmiylashtirib berdi va qarzdor sud tomonidan aliment to‘lashdan ozod qilindi.
