Onasining tatuirovkasi tufayli ismi o‘zgargan bolakay

Shved millatiga mansub Yoxanna Gizelxyol Sanstryom tatuirovkachi xatoga yo‘l qo‘yganidan so‘ng o‘g‘lining ismini o‘zgartirishga ahd qildi. Ayol uyi yaqinidagi tatu-salonga borib, ustaga qo‘liga farzandlari Nova hamda Kevinning ismini yozdirmoqchi ekanligini aytadi. Master ayol rozi bo‘lib, uning iltimosini ado etadi va muolajadan so‘ng uyga qaytgan Yoxanna o‘g‘li Kevinning ismi qo‘lida Kelvin bo‘lib qolganini bilib qoladi. 30 yoshli Sanstryom bu xatodan xo‘ngrab yig‘lab yubordi. «Yuragim xuddi to‘xtab qolgandek bo‘ldi», — deya tan oladi u.

Shved millatiga mansub ayol salonga qaytgach, usta kulib, endi hech narsa qila olmasligini aytadi. Sanstryom eskizni yaxshilab o‘rganib chiqishi kerak edi. Shu bilan birga u kompensasiyani to‘lab berishga rozi bo‘lib, tatuirovkani o‘chiradigan klinika manzilini berdi. Biroq ayol tatuirovkani butunlay o‘chirib tashlash uchun qancha jarayondan o‘tishi kerakligini bilgach, turmush o‘rtog‘i bilan kelishib, o‘g‘lining ismini Kelvinga o‘zgartirishga ahd qildi.

Yaqinda mazkur juftlik oilasida yana bir qiz farzand dunyoga keldi. Uning ismi Freya. Ona uning ham nomiga tatuirovka chizdirish niyatida, faqat bu safar rasm eskizini diqqat bilan o‘rganib chiqmoqchi.

glavnoe. ua