NATOning Ukrainaga yordam ko‘rsatish bo‘yicha bosh qarorgohi Germaniyada bo‘ladi

NATOning Ukrainaga yordam ko‘rsatish bo‘yicha bosh qarorgohi Germaniyada bo‘ladi

Bugun NATO mudofaa vazirlari Bryusselda Ukrainaga qurol-yarog‘ yetkazib berish, Ukraina Qurolli kuchlari askarlarini tayyorlash va harbiy texnikani ta’mirlash ustidan nazoratni alyansga o‘tkazish rejasini kelishib oldi. Qaror 9-11 iyul kunlari Vashingtonda bo‘lib o‘tadigan sammitda tasdiqlanishi kerak. Kiyevga yordam ko‘rsatishni muvofiqlashtirish shtab-kvartirasi Germaniya janubidagi Visbaden shahrida, allaqachon faoliyat yuritayotgan AQSh harbiy bazasida joylashadi. Logistika markazlari Polsha va Ruminiyada joylashgan. Yangi tuzilmani alyans general-leytenanti boshqaradi va NATOning Yevropadagi qurolli kuchlari Oliy bosh qo‘mondoni oldida hisobot beradi. Bosh qarorgohda NATO va hamkor davlatlardan, asosan, Ukrainadan kelgan 700 ga yaqin askar xizmat qiladi.

NATO Bosh kotibi Yens Stoltenberg bugun ishontirganidek, bu alyansni mojaro tarafiga aylantirmaydi. Avvalroq Berlin yangi muvofiqlashtiruvchi organning «NATOning Ukrainadagi missiyasi» deb nomlanishiga qarshi chiqqan edi. Germaniya buni Rossiya tomonidan G‘arb qo‘shinlarini mamlakatga kiritish deb talqin qilishidan qo‘rqdi. Germaniya PACT — Pledge Assistance Coordination and Training nomini talab qildi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!