Moskva safarbar qilinganlar, yaradorlar va halok bo‘lganlarning oilalariga qo‘shimcha pul to‘laydi

Moskva meri Sergey Sobyanin safarbar qilinganlarning oilalariga Moskva byudjetidan pul to‘lanishi haqida qaror imzoladi. Qarorga ko‘ra, Moskvaliklar Ukrainadagi urushda yengil jarohat olgan taqdirda 500 ming rubl, og‘ir jarohat olgan taqdirda esa 1 million rubl miqdorida bir martalik to‘lov oladi.

Shuningdek, har oy safarbar qilinganlar Moskva byudjetidan 50 ming rubl miqdorida qo‘shimcha to‘lov oladilar. Askar halok bo‘lgan taqdirda, agar u jarohat yoki kasallik natijasida vafot etgan bo‘lsa, uning oilasiga uch million rubl beriladi.