Kroos: «Azarga achinmayman»

Madridning «Real» klubi yarim himoyachisi Toni Kroos Eden Azarga murabbiy tomonidan vaqt ajratilmayotganligi haqida gapirdi.

«Albatta, uning ahvoli og‘ir, lekin futbolda achinish o‘rinsiz. Men Edenning hayoti yomon ekanligiga ishonmayman.

Undan ko‘ra yomonroq yashaydigan odamlarga achinishingiz mumkin. Gap pulda emas, shunchaki futbolda hech kimga achinmayman.

Har kim o‘zi duch kelgan vaziyat uchun javobgardir. Men Edenni yaxshi bilaman, biz tez-tez muloqot qilamiz.

Men juda kambag‘al yashayotgan odamlarga achinaman. Azar bunday odamlardan emas», - dedi Kroos.

2022/2023 yilgi mavsumda Eden Azar yettita o‘yin o‘tkazib, bitta gol urdi va bitta golli uzatmani amalga oshirdi.