Koronavirus infeksiyasi ich ketishi shaklida o‘tishi mumkinmi?

Bugun AOKAda Koronavirusga qarshi kurash shtabi a’zosi Shuhrat Boymurodov ishtirokida brifing o‘tkazildi.

Brifingda aholi murojaati va savollari yuzasidan javob qaytarildi.

— Koronavirus infeksiyasi ich ketishi shaklida o‘tishi mumkinmi?

— Albatta. Koronavirus kasalligining kechishining 12 turi bo‘lib, uning biri aynan ichak, ovqat hazm qilish tizimi orqali kechadigan turi hisoblanadi. Shuning uchun ham ushbu holat koronavirus infeksiyasi tufayli ham bo‘lishi mumkin.

— Yaqinda koronavirus infeksiyasidan tuzaldim. Buyragim, bo‘g‘inlarim va belimda og‘riq bor. Kasallik asorati bo‘lishi mumkinmi? 

— Albatta bo‘lishi mumkin. Kasallikni og‘ir o‘tkazgan bemorlarda qonning quyuqlashishi, qonda S reaktiv oqsilning  baland bo‘lishi kabi alomatlar kuzatilyapti. Bundan holatda to‘liq tekshiruvdan o‘tib, shifokor tavsiyalarini olish zarur.