Kanalga tushib ketgan Nexia-2 olti kundan keyin topildi
![Kanalga tushib ketgan Nexia-2 olti kundan keyin topildi Kanalga tushib ketgan Nexia-2 olti kundan keyin topildi](/photos/news/cfH2w3PzneoloJX.jpeg)
Namangan viloyatida Pop va Mingbuloq tumanlarini bog‘lovchi kanalga Nexia-2 mashinasi tushib ketdi. IIVning ma’lum qilishicha, holat 3 fevral kuni sodir bo‘lgan.
Ma’lumotlarga ko‘ra, Nexia-2 haydovchisi mashinani Mingbuloq tumanidan Pop tumani To‘da qishlog‘i tomonga olib o‘tish uchun paromga chiqargan. Biroq u tajribasizlik qilgan va mashina kanalga tushib ketgan.
Mashina ichida bo‘lganlar hodisa sodir bo‘lgan paytda mashinadan chiqib olgan. Oqib ketgan mashinani qidirish ishlari olti kun davom etgan va u 9 fevral kuni 8 metr chuqurlikdan aholi yordamida chiqarib olingan.
Qayd etilishicha, hodisada hech kim tan jarohati olmagan va halok bo‘lmagan. Haydovchi mashina kanalga tushib ketgan paytda undan chiqib olishga muvaffaq bo‘lgan.