Kalin: Erdo‘g‘onning inaugurasiya marosimiga xorijiy liderlar taklif qilinadi

Turkiyada prezidentlik saylovlarining ikkinchi bosqichida g‘alaba qozongan Rajab Toyyib Erdo‘g‘onning rasmiy vakili Ibrohim Kalin Turkiya yetakchisining bo‘lajak inaugurasiyasiga bir qator xorijiy davlatlar rahbarlarini taklif etish rejasini ma’lum qildi.

Uning ta’kidlashicha, marosim sanasi saylovning yakuniy natijalari e’lon qilingan sanaga bog‘liq bo‘ladi.

"Bu payshanba yoki juma kuni sodir bo‘lishi mumkin, aniq bilmaymiz. Vazirlar mahkamasining qasamyod qilish marosimi va tarkibi e’lon qilinishi juma kuni bo‘lib o‘tishi mumkin", - dedi Kalin jurnalistlarga.

Suhbat davomida u, shuningdek, rus tarixshunosligida Konstantinopolning qulashi deb ataladigan Istanbulning turklar tomonidan zabt etilishining 570 yilligiga bir kun qolganda prezidentlik saylovlarining o‘tkazilishi juda muhim tasodif ekanligini ta’kidladi.
"Fursatdan foydalanib, bu zaminni vatanimizga aylantirgan barcha ajdodlar xotirasini rahm-shafqat bilan ulug‘layman”, — dedi Erdo‘g‘anning matbuot kotibi.